Kathmandu, Aug 16: Sukrobar salni bako, Solukhumbu a•jani Khumbu Pasang Lhamu Rural Municipality-5 ni ning•o ga•akgipa Thame songo, rang•gitik dal•begipa a•a rua baksana chi ban re•anichi songdongenggipa manderangni nok jamrang bang•en nosto ong•atako man•aha.
Ia a•sel, chubegipa a•brirango tin•kae dongenggipa surirangni brete jrongani a•sel ong•na nanga ine chanchipenga, indake ong•genchimoba kakket a•selko da•o dipet u•ina man•kujaenga aro mikka waanirang namkalahaon kakket a•selko sandianggen ine Khumjung Rural Municipality-ni Ward Chairman, Laxman Adhikari parakataha.
Ia chi ban re•anio, a•dubek baksana be•sregimin ro•ong aro jabolrangko a•brioni man•onbaaha aro indake a•dubek ru•rongbaaniko knasoe songni manderangba naljokgipa biapona kate dongna chol ong•aha, jeni a•selan rasonggnangbee darangni janggiba gimaatako aro saknaatako man•jahachim. Indake ong•genchimoba songni nok jamrang 50% mangni gitan nosto ong•atako man•skahachim.
An•tangni nanga bostu aro gamrangko gale chukalgipa aro naljokgipa biapona kate dongenggipa songni manderang, uamangko naljokatchina ia sin•begipa biapo senge dongana agre gipin chol dongja ine nikna man•a. Iani gisepon, mikkarang waanichi naljokatgipa dolrangba uamangko naljokatanio champengatako man•engachim.
Indake, mikka waanichi champengatako man•genchimoba, jachange dongenggipa songni manderangko naljokatna gita Kathmandu-ni Rural Municipality-oni sildoreng aro unbaksana, Itahari-oni Nepali Army dolrangkoba watataha.
Una agreba, adita bakroe re•a doanio somoirangko nanggenchimoba, Namche-oni naljokatgipa dolrangkoba watataha ine Solukhumbu-ni District Administration Officer u•iataha.
Dudhkoshi Chibima sepangjolo songdongenggipa manderangkoba, gipin naljokgipa biapona jite dongchina Solukhumbu-ni Chief District Officer, Devi Pandey mikrakataniko on•ataha.
Na·simang ia video-koba nina man·gen:
Na·simang iakoba poraina man·gen: Assam-o Mottock jatna ST gadangko on·jaengani gimin jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
