Agartla, Nov 2: Tripura High Court-ni gitcham judge Swapan Chandra Das-chi dilenggipa, Tripura Human Rights Commission (THRC) dol, a•doko sak 3 me•chikrangni kosako kragija kamrangko dakani bidingo suo-motu-ko jako ra•enba, ia ong•a obostani bidingo name am•sandianiko dakchina aro anti 2 ba anti 3-ni gisepon chu•gimik report-rangko on•echina gita iano bak nanggipa authority-rangna ge•etaniko on•angaha.
Sepahijala a•jani Bagber jolo, bia ka•gimin me•chik saksako misilbee dokan baksana ganna chinnaniko chitdrake galenba nagande re•jojoaniko dakataha. Supreme Court-o me•chikrangna on•gimin bilni gimin aganengon, niam retirangko rakkigipa a•doko ia obosta ong•anina aiao inmanpilaniko parakatan baksana ia kragija kamni kosako, THRC ra•ken jegalataniko dakangaha.
THRC dol, Director General of Police (DGP)-ko ia case-ni bidingo che•em sing•sandianiko dakenba anti 3-ni gisepon report-rangko on•china gita u•iataha. Da•o dipet, iano jak donggipa sak 3 manderangko rim•ahaoba, sak 3 manderangkode rim•na gita man•kujaenga.
THRC dol, sorkari gita adita dakchakaniko man•enggipa Tripura Medical College-o ragging ka•ani bidingo kobor ra•timgiparangni u•iata jaman anti 3-ni gisepo chu•gimik report-rangko on•china gita college principal-na u•itataha. Una agreba, THRC dol, ia case-ni bidingo District Magistrate aro West Tripura-ni Superintendent of Police-ko dingtang sing•sandianiko dakchina gitaba ge•etaniko on•ataha.
THRC-ni jako ra•enggipa 3-gipa case-ara, uan me•chik saksako dra•e bia ka•atgipa ong•a. THRC dol, manderangni bil aro naljokanina ta•rake aro rakgipa ja•ku de•aniko dakna nangchongmotani gimin aganenba, ia ming 3 case-rangni bidingo che•em che•em sing•sandianiko dakchinaba u•iatangaha.
Na·simang ia video-koba nina man·gen:
Na·simang iakoba poraina man·gen: Meghalaya sorkari, Garo Hills-o chi ban re•anichi bijoli sringgipa krong aro silitingrang baditana nosto ong•a uarangko nisengsoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
