Shillong, August 25: Shillong-ni Jawaharlal Nehru Stadium-o Sombar salo ong•atna sienggipa, Northeast Derby match kal•susaanio Shillong Lajong FC aro NorthEast United FC baksa semi-final kal•susaaniko nina gita Shillong songjinmao robol kal•aniko namnikgiparangni ticket ra•na gita ritting ritting dake chadenganiko nikna gita man•aha.
2024 Durand Cup-ni skanggipa semi-final kal•susaaniko a•bachengode Kolkata-o ong•atna gita tik ka•ahachim, indiba Kolkata-o so•so jengjeng ong•engan baksana Meghalaya sorkari aro hajalni hajal robol kal•aniko namnikgiparangni mol•molanichi organizer-rang ia kal•susaaniko Shillong-o ong•atna tik ka•angaha.
Kal•susani biapko jitata jaman, organizer-rang ticket palani skanggipa phase-ko online gita palaniko dakangaha, indake ticket-rangko palna gita jinmana kulie on•ani mikjapsaon ticket-rang bon•aiahachim. Indake, organizer-rang ticket palani 2-gipa phase-ko dam 3 biaprang chong•motan, Laitumkhrah, Khyndailad aro Golf Link-o Sonibar attamni 2 bajioni offline palgen ine parakatahachim. Indake ong•genchim ong•oba, Shillong songjinmani manderang sengnapjaenba Sonibar pring 6 bajioni ritting ritting dake chadengna a•bachengtokaha aro indake ticket pal•ani ru•utgija somoirangon ticket-rang bon•changpilaiahachim.
Pringoni ticket ra•na senge dongenggiparang, bil gnanggipa manderang semi-final-ni ticket-rangko an•tangtangni “chamchas” ba ja•riktimgiparangna rakkie donenga inenba ka•o nange matnangna a•bachengaha.
Pilak ong•gni a•sel obostarangko champengna gita police dolrang ticket palenggipa counter-rangona dariangtokaha. Indake ong•engon, da•o dipet maming a•sel obosta ong•ani koborrangko man•soa dongkujaenga.
JN Stadium-o changsa sak 30,000 robol kal•a namnikgiparangna ong•atangaha, uni gimin Durand Cup Organizer-rang ticket-rangko tiktak palgija manderangni nanga gita palna nanga inenba pringoni ritting ritting dake chadenggiparangoni saksa aganangaha.
“Chinga chelachini re•baaha aro ticket-gride chinga re•angpiljawa,” inenba sakgipin chadenggiparangoni aganangaha.
Organizer-rang da•o ticket palaniko dontongatahaoba , official ong•gija, ticket-rangko Sonibar attam 8 bajioni online gita brena man•gen ine u•iataniko on•an baksana Robibar saloba ticket-rangko palgen ineba u•iatangkuaha.
Ge•gipin official ong•gijagipao, NorthEast United FC dolni nokgipa John Abraham-ba sak 6,000 robol kal•aniko namnikgiparang baksa Shillong-ona doltangna chakpaaniko on•a gita re•baenga ineba parakataha.
Na·simang ia video-koba nina man·gen:
Na·simang iakoba poraina man·gen: NGH a•jani game ge•e chagiparang biterang aro masalarangko nambate tariani cholrangni bidingo skie ra•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
