Gangtok, June 25: Department of Science and Technology (DST), Govt. of Sikkim-ni scientist-rang aro sandirikitaniko dakgipa dolrang, Sikkim-ni Saliramchipak donggipa East Rathong Glacier ba tin•kagimin surirangni biapona re•ange sandirikitaniko dake nianio, dam 19 kenbegnigipa glacial lakes ba tin•kagimin suri-oni jronge, chi dite chimonggimin kenbegni chibolrang donga ine u•ina man•aha.
Indake, somoi karirang dingtangroroani a•selo tin•kagimin surirangna mai ong•genchim aro Himalayan a•jarango mai a•selrang ong•engachim, uko ma•sina man•a gita ia bakrogipa expedition-ko June 22 tarikoni a•bachengate anti 2-na sandirikitaniko dakanggen.
Sikkim a•doko, Glacial Lake Outburst Flood (GLOF)-ni ba tin•gimin surirangni jronganichi chi banna re•aoniko komiatanian, National Mission for Sustaining the Himalayan Ecosystem (NMSHE)-ni ning•o a•bachengatgipa Sikkim State Climate Change Cell-ni mongsonggipa miksongani ong•a.
East Rathong Glacier, ian Sikkim a•dokni Gyalshing a•jani ning•o ga•akgipa Khangchendzonga National Park-ni ning•o 800m mangni gita, a•brini gisepo a•kawe gita dake donggipa tin•kagimin surirang ong•achim. Uni salgipeng salaramchipak Rangit Chibama gnangchim. Ia expedition-o, Sikkim-ni Saliramchipak donggipa Yuksom-ona sal 3-na ja•achi re•na nangachim. Ia tin•kagimin surirangni biap 4.8 sq km ong•achim aro 7 km mangni gita bakroachim. East Rathong Glacier-ni chibisik, gimik gimang 19.8 sq km mangni gita ong•achim.
Science and Technology Department, Govt. of Sikkim-ni gita 2022 bilsioni dipet, ia bakrogipa nirokaniko dakbaengaha aro ua bilsionin, bilsio chang 2 dake department-ni scientist-rang aro sandirikitaniko dakenggipa dolrang, sandirikitaniko dakrongbaenga. Ia sandirikitanio, tin•gimin surirangni jronganichi chi dite chimonggimin dam 19 kenbegnigipa chibolrangko nikna man•aha aro iandakgipa dam 3 chibolrang, chong•motan, Rathong lake, Bhaley Pokhari aro Tikip la lake-rangko sandirikitaniko dakangna uamang miksongenga.
Batanggimin 2023 bilsini October 4 tariko, chi banna re•ani a•selo, ia tin•kagimin surirangni gimin aro jronggimin chibolrangni bidingo sandirikitaniona sokataha. Ia a•sel ong•anichi, rika cho•ani kamrangko nosto ong•ataha aro songsalo janggi tangenggipa manderangko bringbrangataha.
Iani bidingo sandirikite man•anichi scientific knowledge ba u•i ma•sianiko man•aiasan ong•aigija, ong•telaigipa a•selrangoni nosto ong•atanirangko champengsonaba dakchakani ong•a.
Na·simang ia video-koba nina man·gen:
Na·simang iakoba poraina man·gen: WJH-o sak 13 mikgrirang sal•wa tarianiko skie ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
