Tawang, Aug 23: Arunachal Pradesh a•doko donggipa Sangnga Nehgu lake-o tin•kae dongenggipa surirangni brete jronggipa chirangni chi ban re•anichi, Tawang a•jani bolni dolongrangko ge 5-na batpilen man•pakangaha.
Tawang a•jao donggipa dam 3 kenchakna nangenggipa chibolrangko nirokaniko dakna aro ta•rakgipa chi ban re•ani a•selko sandina gita Tawang a•jani Deputy Commissioner, Kanki Darang aro Superintendent of Police, DW Thongon-ni dilanichi, District Disaster Management Authority dol, Gorichen a•brio donggipa Sangnga Nehgu lake-ona re•angaha.
Uamang baksa, Mogto-ni Assistant Commissioner Honjon Perme, WRD-ni Assistant Engineer Jang Kago Kani, District Information & Public Relation Officer, Trek leader, Photography expert Jambey Dondu aro Army, National Institute Of Mountaineering & Adventure Sports-ni dilgiparang aro gipin dakchake on•enggipa staff-rangba re•angpaaha.
Uamang, August 20 tariko Jethang-oni re•chakatangaha aro Merathang-o walsa waltuenba pring gipino, uamang a•brirangko doange Sangnga Nehgu lake-ona sokeaha aro sokange sandirikitaniko dakani ja•man Tso Kyei lake gita Jethang-ona re•bapilaha.
Uamangni sandie nianio, je obostan August 14 tariko ong•ahachim, chong•motan, chi ban re•anichi ge 5-na batpile bolni dolongrangko man•pakangani aro dingtang dingtang biaprangona re•enggipa ramarangko nosto ka•anganiara, Sangnga Nehgu lake-o tin•kae dongenggipa surirangni brete jronggipa chirangni a•sel ong•a ine u•ina man•aha.
Indake, ia tin•kagimin surirangni ta•raken jrongenganiko nike mikkangchiba apsan chibolonin GLOF ba tin•kagimin surirangni brete jronggipa chirangni a•sel chi ban re•anina kenchakani dongenga ine nikna man•aha.
Na·simang ia video-koba nina man·gen:
Na·simang iakoba poraina man·gen: Opposition-ko dilgipani kam wataniko sengenga: Assembly Speaker
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
