Dibrugarh, Nov 11: All Moran Students Union (AMSU) aro All Assam Mottock Yuba Chatra Sanmilan (AAMYCS) dolni konta 12-na Tinsukia aro Dibrugarh a•jao bandh ong•atanichi songdongenggipa manderang neng•nikanirangko chagrongna nangao ga•akaha. Indake Tinsukia a•jani District Commissioner Swapneel Paul aro Dibrugarh a•jani District Commissioner Bikram Kairi-ni ia bandh-ko ong•ataniko champengatgenchimoba, bang•a manderangan bandh-ko ong•atanio chu•sokatna ong•kattokaha.
Ia bandh-ko ong•atani miksonganiara, Moran aro Mottock jatrangko Scheduled Tribe-o chapatanio bang•e somoirangko ra•engani kosako jegale uamangko ta•rakale Scheduled Tribe-o chapatchina dabiani ong•achim.
Ia salo, dokanrang aro badingchiwalaniko dakgipa biaprangko chipataha aro garirangni re•ruraanikoba dontongataha. Bandh-ko ong•atenggipa aro chakpaenggipa dolrang, anti cha•chakram biaprango dokan dakgiparangko chipataha aro lekka pal•takrangko ra•e uamangni jatko ST-o napatchina a•bokangtokaha.
Una agreba, National Highway-37 ramao tyre-rangko so•e donaha, jean re•ruraenggipa garirangna man•dikataniko on•aha aro unbaksana, Dibrugarh-ni bypass-o gari bolsako nosto ka•aha.
Indake ong•engani gisepon, Tinsukia a•jao jingjengatenggipa dolrangko bringbrangatna gita police-rang bangbango silai rangko gona nangao ga•akaha aro apsan daken Dibrugarh a•jaoba jingjengatenggipa dolrang baksa police dolrang nanggrikani ong•aha ine nikna man•a.
AMSU-ni general secretary Joykanta Moran, ia bandh-ko ong•ataniko chu•sokatna chakpaaniko on•gipa manderangko mitelpilskaaniko dakangaha aro ia bandh-ko ong•atani mangmangsan, Moran aro Mottock jatrangko ST-o chapatchina ma•mong aro a•dok sorkarini kosako ku•rang on•ani chol ong•a ine aganaha.
Una agreba, 2014 bilsini Lok Sabha Election-o wenani somoio, Assam a•dokni ge•dok jatrangko ST-o chapatna gita Prime Minister Narendra Modi-ni ku•rachakaniko da•onaba chu•sokatkuja ine janapatan baksa, ia jatrangko ST-o chapatanio kam ka•jaenganina Union Tribal Affairs Minister Jual Oram-koba ua matnangataha.
Na·simang ia video-koba nina man·gen:
Na·simang iakoba poraina man·gen: Pu•onani salna konta 48-ni gisepo campaign ka•aniko champengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
