Agartala, Nov 11 : BJP baksa apsan bakrime kam ka•enggipa, Tipra Motha Party (TMP)-ni dilgipa, Pradyot Bikram Manikya Debbarma, Tripura-o million 4 songdonggipa manderangoni tribal manderangde bak 3-oni bak 1 gitasan ong•aia inenba, Tripura-ni ge 60 Member Legislative Assembly seat-oni ge 20 a•kanganiko ge 25-ona bariatchina aro Manipuri manderangna seat ge•sako on•china dabiangaha.
Iani bidingo, opposition CPI-M aro Congress dolrangoni officially maming aganani dongkujagenchim ong•oba, ia dolni dilgiparang ia dabianiko niam gita chanchie dakgipa ong•ja ine a•kangataha. Iani gisepon, a•doko BJP dolni dilgipa, ia dabiani gimin uamang chanchirimaniko dakanggen ine u•iataskaaha. Da•o dipet, ge 10 Assembly seat-rang Scheduled Caste manderangna a•kanggimin ong•a.
TMP dolrang, November 14 tariko ia dabianiko mangrakbatatna aro ia bilsini a•bachengo uamangni dabianiko chu•sokatna gita ma•mong aro a•dok sorkari baksa dolgittam soi ka•grikaniko chu•sokatna gita dal•gipa tom•bimonganiko ong•atna tik ka•angaha. Tripura a•dokni BJP aro opposition dolrang ia mongsonggipa dingtangatanina chakpaaniko on•enga ine aganengon, adita u•ina man•gijagipa a•selrangchi ru•utatako man•enga, ine Debbarma u•iataha.
Tripura Tribal Areas Autonomous District Council (TTAADC)-ko chalaienggipa TMP dol, Constitution-ni Article 2 aro 3-ni ning•o dingtang tribal a•dok ba “Greater Tipraland”-na dabianiko gital dake a•bachengatpilaha.
Na·simang ia video-koba nina man·gen:
Na·simang iakoba poraina man·gen: Raid Bhoirymbong Pyllun burungoniko niamgri bol den•peaniko forest official-rang nirokea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
