Agartala, Mar 8: Constitution-ni Article 2 aro 3-ni ning•o pangchake Tipra Motha Party (TMP)-ni ‘Greater Tipraland’ a•dokna dabianiko nina gita ma•mong sorkari, jagittamni gisepon ku•baltitimgipako songe on•na sienga ine Budbar salo, TMP-ni dilgipa Pradyot Bikram Manikya Deb Barman, Union Home Minister Amit Shah-ko grongani ja•man parakataha.
2021 bilsini April jao, Tripura Tribal Areas Autonomous District Council (TTAADC)-ko jako ra•ani ja•man, ‘Greater Tipraland’-ko ba dingtang Tipraland a•dokko on•china TMP dabiengachim ine nikna man•a.
Indake ong•engon, Nagaland a•doko gitan Tripura a•doknaba TMP-ni dabianiko name nipilna gita jagittamni gisepon ku•baltitimgipako songe on•na Union Home Minister ku•rachakaniko on•angaha ine Deb Barman parakataha.
Union Home Minister baksa tom•e chanchirimanio, BJP-ni president JP Nadda, Assam-ni Chief Minister Himanta Biswa Sarma, Tripura-ni Chief Minister Manik Shah aro gipin dilgiparangba bakko ra•angahachim.
