Tura, July 6: Swach Bharat Mission 2.0-ni ning•o pangchake Tura Municipal Board-ni gita Tura-ni Araimile rama bibrao, rongtal an•talani aro bol ge•ani program-ko ong•atangaha.
Ia program-ko TMB aro dingtang dingtang dolrang jekai, Federation of Khasi Jaintia Garo People (FKJGP), Association of Democracy and Empowerment (ADE) aro A•chik A•song Environment Enthusiast Society (AAEES) baksa nangrimenba, manderangni gisepo rongtal an•tale dongani gimin u•iataniko giproroatna miksonge ong•atangaha.
Ia program-ko Sonibar pringni 8:00 bajioni a•bachengatangaha, jeon, TMB-ni field worker-rang aro dingtang dingtang dolrangoni sak 60 batpile bakko ra•angaha. Uamang jako ganani glove-rang, jabol chimongchakgipa bag-rang aro gama ge•anio jakkalgipa bosturangko jakkale, Araimile jolni pilak rama sorok aro kona noksik gimiko nikgipa jabolrangko kole chimonge rongtalatangaha.
Ia jabolrangko kolchimonganio mongsongbate, samtangtango donggiparangna aro mandena namgijako ong•atna amgipa plastic-ni jabolrangko bon•e kole galna jotton ka•angaha aro unbaksana, ua jolo bolrangkoba ge•angaha.
Apsan daken mikkangchiba, rongtal an•tale rakkiano songsalni manderangko bak man•atna aro didianiko on•a Tura-ni mongsonggipa biaprango, apsandakgipa program-ko Tura Municipal Board-ni gita ong•atangna miksongenga.
Na·simang ia video-koba nina man·gen:
Na·simang iakoba poraina man·gen: Sikkim-o tin·kagimin surini chiringko Science-ni gita am·sandia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
