Shillong, Jan 28: Khasi Hills Autonomous District Council (KHADC) election-o cheenba Executive Committee-ko rikna man•genchimode, bading chiwalanirangchi a•doko niam gri napsrukbaanirangko champengna Trading by Non-Tribal (TNT) Regulation 1954-ko bilakbatatna kamko ka•gen ine Mongolbar salo, Sohryngkham constituency-o KHNAM candidate ong•e susaenggipa Joseph Pyngrope ku•rachakaniko on•angaha.
Re•baenggipa February 21 tariko ong•atenggipa KHADC election-o susana gita Mongolbar salo, an•tangni nomination lekkarangko on•angani ja•man, kobor ra•timgipa manderang baksa agangrikengon, ia election-o manderang KHNAM dolna cholko on•e EC-ko rikna on•genchimode jadok ba bilsisani gisepon TNT Regulation 1954-ko mangrakbatate, a•dokona niam gri napsrukanirangko champengna kam ka•gen ine Pyngrope aganaha.
Meghalaya a•doko Tribalrangni bading chiwale cha•aniko gipin biaprangoni manderang re•bae ra•sekenga ine janapatengon, TNT Regulation Act-chi KHADC, Tribal-rangko chel•chakna bil donga ong•ode, Tribalrangni dake cha•enggipa kamrango KHADC, licence-rangko skatang on•na nangja ine Pyngrope aganaha.
Shillong songjinmani Iewduh ba Bara Bazar-o gipin jatrangni bading chiwale cha•anirang batroroengaha ine janapatengon, gipin biaprangoni re•baenggipa manderangna skatang licence-rangko on•engani giminsa KHNAM dol, iako warachakna gita ia election-o susaenga aro manderang cholko on•genchimode skanggipa gipin biaprangoni niam gri napsrukbaaniko champengna kam ka•anian KHNAM dolni mongsonggipa daito ong•gen ine Pyngrope aganaha.
Na·simang ia video-koba nina man·gen:
Na·simang iakoba poraina man·gen: Gondu chadrapanichi mande saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
