Shillong, Feb 11: Mongolbar salo, Meghalaya a•dokni Chief Minister aro National People’s Party (NPP)-ni national president Conrad K Sangma, Nongstoin constituency-o Khasi Hills Autonomous District Council (KHADC) election-na NPP-ni candidate Dressar Marngar-na campaign ka•angaha aro ia tom•anio ua jinmana aganprakengon, manderangko salna gita dingtang dingtang political dolrangni ‘tol•e’ ku•mikchetanirangko bebera•jachina didiangaha.
District council election-o NPP-ni candidate-ko seokchina Nongstoin constituency-ni manderangko didiangengon, Assembly-o NPP-an dal•batsranggipa party ong•e sorkariko chalaiengani gimin manderangni nangenggipa dakchakani aro namroro silroroaniko on•na man•gen ine Sangma aganaha.
Manderangni namgnina NPP-ni on•kange ka•enggipa kamrangni gimin janapatengon, politics-ode pilakan ku•mikchetanirangko dakna man•aia indiba NPP-de manderangna dangdike on•na aro namroro silroroaniko ra•bana gitasa kakket ong•e kamko ka•enga ine Chief Minister parakataha.
NPP-ni kosako matnanganirangko bebera•jachina aro nachil songjachina didiatskaengon, election-ni ja•mande NPP-ko matnangenggipa pilak dolrangan, an•tangtangni ku•mikchetani baksa gimaaignok ine Sangma aganaha.
A•doko koela bikotaniko champengatani gimin aganangskaengon, ia champenganiko NPP-sa ra•bichengaha aro a•doko science-ni bewalchi koelarangko bikotna da•o ge•etaniko man•e on•aha ine NPP-ni president aganaha.
Chief Minister-ni aganani gitade, a•doko Science-ni bewalchi koela bikotaniko a•bachengna Coal Ministry-ni official-rang, Jaintia Hills a•jani koela a•damrangko nieaha aro bakan West Khasi Hills a•jani koela a•damrangkoba niangna sienga.
“A•doko manderangni dal•batsranggipa neng•nikaniko chinga chel•chakna man•aha aro anga ka•donga ian an•chingna dingtanganiko ra•bagnok,” ine ua aganaha.
A•doko koela aro ma•manti bosturangko bikote cha•enggipa manderang neng•nikanirangko chagrongna nangjana gita NPP-chi dilenggipa a•dok sorkari, dingtang dingtang niamrangko olgrokatchina ma•mong sorkariko didigen ineba Sangma, ku•rachakaniko on•angaha.
Ia tom•anio ua, kal•susaani, lekka porani aro dingtang dingtang kamrango namroro silroroaniko ra•bana gita sorkarini a•bachengatgipa kamrangni giminba aganangaha.
Ia program-ko ong•atanio, NPP-ni president, manderangni dingtang dingtang nangani aro neng•nikanirangkoba knatime ra•angaha.
Na·simang ia video-koba nina man·gen:
Na·simang iakoba poraina man·gen: Bureau of Indian Standards-ni bidingo agan-talatani program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
