Tura, July 25: Tura, Dakopgre-o donggipa Chief Minister Office nokko mande jinma ro·ong gorurue chadrapani bidingo West Garo Hills a·jani District Magistrate, Jagdish Chelani, Mongolbar salo Hubnews koborna agananganio, ua somoio cholguja sambao tom·dake sengenggipa manderangni halla ka·e golmal ka·aniko tom·tomatchengna uamang jotton ka·ahachim ine parakataha.
Jingjengatenggipa dolni dilgiparangko ong·katbae manderangko tom·tomatchina gita chinga aganahachim, indiba a·palo tom·dake golmal ka·enggipa manderanga uamangni jingjengatmitingo bakko ra·pagijagipa manderangsa ong·aniko uamang chingna aganeaha ine DC talataha.
“Ia salona tarisamsoa gnangsa uamang chadrapaniko dakaha aro mande jinmako ua somoio ding·chaoate golmal ka·dilna miksongen uamang re·batokaha aro ja·mano ro·ongrangchi goruruna gita a·bachengataha,” ineba ua aganangkuaha.
Indake ong·oba, konta 4-na skangan biapo ong·anggipa obostarangko tom·tomatpilna gita man·aha aro ia mamlao jak donggipa sak 18 manderangko da·o police rim·aha ine aganangenba, jedakgipa a·sel-obosta ong·daptaianirangko uamang nirikkienga aro tom·tomaniko golmal ka·gipa manderangni kosako Tura-o songdonggipa manderang baksana district administration-oniba maming kema dongjawa ineba a·jani Deputy Commissioner mikrakataniko on·atjolaha.
Iakoba poraie nina man·gen: Meghalaya CMO-ni nokko chadrapani ja·man section 144-ko Tura songjinmao ra·gatanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
