Tura, Apr 21: Adita salrangna skang, East Garo Hills a·jani buring damsao mande sakgittamni manggisirangko man·ani ja·man Assam aro Meghalaya a·doko songdongenggipa manderangni gisepo adita ding·chaogrikanirangko nikna man·engon, Robibar salo All Assam Minority Students Union (AAMSU), Garo Students Union (GSU), Association for Democracy & Empowerment (ADE) aro All A·chik Youth Forum (AAYF)-ni dilgiparang Assam a·dokni Dudhnoi IB-o tom·aniko ong·atangenba, a·dok damgnini gisepon tom·tomaniko rakkiangkuna gita ku·rachakgrikangaha.
Ia tom·a matchotani ja·man kobor ra·timgipa manderang baksa agangrikengon, East Garo Hills a·jao mande sakgittamko so·ote galanina dos dakgipa manderangni kosako NGO-rang jegalatenba, ia a·selni bidingo tol·gipa koborrangko aro video-rangko social media-rangko watjachina manderangko didiataha.
“Ia a·selo manderangni janggirangko gimaatna nangahani gimin chinga suk ong·ja maina mandeni janggiko so·otaniara namjabegipa kam ong·a aro pilakni jegalaniko man·na kraa. So·ota man·gipa manderangni ong·gija kamrangna Assam-o case-rang dongkuengnaba gnang indiba mandeni janggiko so·otaniara namen namjabatsranggipa kam ong·a,” ine AAMSU-ni dilgipa parakataha.
Ia mande sakgittamko so·otanio jak donggipa manderangko ta·raken rim·china didiatengon, jatgnini gisepo dakgrik dinggrikani ba so·sojengjeng ong·atani kamrangko ka·jachina gita a·dok damgnini NGO-rangan mol·molataha.
“Ia a·sel ong·aniko an·ching jatni gisepo dinggrikani dake ong·atjana aro dos dakgipa manderangko rim·e sasti on·na man·na gita police-rangni sandirokanio bakrimaniko on·angna,” ineba AAMSU-ni president didiataha.
Na·simang ia video-koba nina man·gen:
Na·simang iakoba poraina man·gen: Ri Bhoi a·jao Suwori Festival-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
