Guwahati, Jan 29: Bodoland Territorial Region (BTR)-ni Chief Executive Member Pramod Boro, itihas-o tom•tomanina songgigrikaniko daka jaman batanggimin bilsi 5-ni gisepo jolo donggipa dam 5 a•jarango tom•tomaniko rakkiangna gita man•an baksana namgipa dingtanganirangkoba ra•bana gita man•aha.
Kobor ra•timgiparang baksa agangrikengon, ia songgigrikaniko dakani miksonganiara uan jolo baikamgipa tom•tomani aro naljokaniko man•anian ong•achim. Iana skangde jolo songdonggipa manderang bang•a so•so jengjeng ong•anirang aro ken•begnirangko chagrongna gita nangrongachim ine talate on•angaha.
Ia BTR Peace Accord ba songgigrikaniko 2020 bilsini January 27 tariko, All Bodo Students Union (ABSU), gitcham NDFB dolrang, ma•mong sorkari aro Assam a•dok sorkarini gisepgriko soi ka•grikaniko dakangaha. Ia tom•tomanina soi ka•grikaniara Bodoland-o tom•tomaniko aro namroro silroroaniko ra•baanio mongsonggipa ja•ku de•ani ong•a.
Maikai ia tom•tomanina songgigrikani a•bachengahachim uni giminba ua talate on•angaha. Ia songgigrikani bidingo ma•mong sorkari baksa agan-golpogrikaniko a•bachengaton, dol gnian dolsa dolgipinko u•ichakgrikna jotton ka•angaha. Unomiting somoio, NDFB dolrang sorkari baksa dakgrikengmiting ong•achim. Indake ong•genchimoba, ma•mongni dilgiparangni gisiko nange jotton ka•anichi ia tom•tomanina songgigrikaniko chu•sokatna gita man•aha.
Boro, Prime Minister Narendra Modi-ni dilanio jolo namroro silroroaniko ra•bana man•ahanina demittelangaha.
2024 bilsio Modi-ni sorkariko jako ra•a intal, uamang ong•enga obostarangko dingtange jakdangdika baksana ru•uta somoirangna so•so jengjeng ong•enganiko namatna on•kange kam ka•anirangko mesokangaha ineba ua agandapangkuaha.
Batanggimin bilsi 5-ni gisepo uamang tom•tomani aro naljokaniko gisiko on•batangaha. Da•o uamang jolo namroro silroroani aro Vikshit Bharat (Developed India)-na on•gilpaanina gisikko on•batanggen jedakode Bodoland mikkangchi jaman chakgipa ong•jawa ine Boro u•iatangaha.
Una agreba, ua manderangni chanchibewalanio namen dingtanganirangko nikna gita man•aha ine aganengon, so•so jengjeng ong•ana bate uamang namroro silroroaniko nangnikbatokaha ineba aganangaha. Bobil dol dake chakatgipa dolrangba, sak 100 silchidare ra•bitgiparang mangmangde sorkarini chel•chakgipa dolrangko amna gita man•ja baksana dakgrik dinggrikaniara orto gri ong•a ine u•iaha.
Na·simang ia video-koba nina man·gen:
Na·simang iakoba poraina man·gen: Greater Tura Urban Water Supply Scheme-chi chu•onga gita chirangko on•na man•gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
