Shillong, Aug 16: Tourism aro Inner Line Permit (ILP) minggnian dingtang dingtang pangchakanisa ong•a aro ia minggniko maming dakeba nangdimatna nangja ine Budbar salo, Meghalaya a•dokni Chief Minister Conrad K Sangma parakataha.

Chief Minister-ni aganani gitade, Tourism aro ILP minggnian dingtang dingtang pangchakanirangsa ong•genchimoba, Tourism-ni kamrango ILP baksa nangchakeanirangde donga indiba ia minggni kamrangko apsan dake nangatna nangani kattade dongja.

Tourism-ara a•doko kajina man•aniko bariatna aro kamrangko ka•e cha•na cholrangko on•enggipa ong•a ine talataniko on•angengon, a•doko tourism-ko tang•doatna gita sorkari rake kamrangko ka•angkugen ine Sangma parakataha.

Chief Minister-ni parakatani gitade, niam gri napsrukanirangko champengna gita dingtang dingtang cholrang gnang aro ILP-ba ia cholrangoni mingsa ong•ani giminsa sorkari, ILP-na Assembly-o resolution-ko ra•dilahachim.

A•doko niam gri napsrukanirangko champengna gita ILP-na resolution-ko ra•an baksana sorkari, Meghalaya Residents Safety & Security Act (MRSSA)-ko pass ka•aha ineba Chief Minister parakataha.

Iakoba poraie nina man·gen: M’laya a•dokni skanggipa bio fertilizer unit-ko Conrad kulie on•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub