Shillong, Nov 21: Bristibar salo, Meghalaya a•dokni Chief Minister Conrad K Sangma, Tri Hills Ensemble-ko Shillong songjinmani U Soso Tham Auditorium-o a•bachengate on•angaha aro ia program-ko a•bachengatanio, a•dokni Arts & Culture Minister Paul Lyngdoh, Welsh Sorkarina India-ni Head Mitchell Theaker aro dingtang dingtang dilgiparangba dongpae bak ra•angaha.

Ia gittamgipa changna ong•atenggipa Tri Hills Ensemble program-ara Meghalaya a•dokni mongsonggipa jatgittam, chong•motan Khasi, Jaintia aro Garorangni jakni kamrang aro daka rikanirangko mesokna ong•atenggipa program ong•a aro ia program-o Jan Jatiya Gaurav Diwas-koba manijolenga.

Ia Tri Hills Ensemble-ko a•bachengate on•anganio a•dokni Chief Minister, jinmana aganprakangengon, ia manianiara an•chingni daka rikani, an•chingni songsal aro manderangni maniani ong•a aro ia manianichi a•dok sorkari, a•doko songdongenggipa dingtang dingtang jat aro manderangni daka rikanirangko mesokna miksongenga ine parakataha.

Jatni daka rikanirangara namen gamchatbegipa ong•a ine janapatengon, ian jatni ong•baani aro dingtanganiko mesokgipa ong•ani gimin ian an•chingko jinmaoniko dingtangata ine Chief Minister aganaha.

Jatni daka rikani, jakni kamrang, doka dam•ani, sea jotani aro jatni u•i-ma•sianirangko ra•dona gita sorkari, dingtangmancha program-rangko ra•gataha ineba ia tom•anio Chief Minister parakataha.

Captain Williamson Sangma Museum-ko nitobate tariahani gimin Arts & Culture department-ko mittelpilangengon, a•doko songdongenggipa manderangni janggi tanganio dingtanganiko ra•bana gita technology ba gital kolrangko jakkalchina a•dokni Chief Minister, department-ko didiangaha.

A•dokni man•e cha•begipa man•rikani aro dingtang dingtang jatrangni bidingo skie ra•na gita skul aro college-rangko ia museum-ona re•bana gita dingtangmancha niamko donchinaba ua Education department-na ku•pattianiko on•angaha.

Ia Tri Hills Ensemble-ko a•bachengatanio dingtangmancha Arts & Craft village-ni official web portal-koba a•bachengatjolaha aro dingtang dingtang kamrango chu•sokgipa manderangna award-rangkoba on•angjolaha.

Na·simang ia video-koba nina man·gen: 

Na·simang iakoba poraina man·gen: Manipur-o so•sojengjeng ong•ani batroroengani gimin sipai dolrangko rimbadapa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub