Imphal, Oct 23: Manipur a·doko so·sojengjeng ong·gipa a·selni bidingo ‘Times of India’ songbadna talatanio Tribal-rangni gimin agangipa kattarangna Indigenous Tribal Leaders Forum (ITLF), Manipur a·dokni Chief Minister Biren Singh-ko raken jegalataha.
ITLF-ni parakatani gitade, Manipur a·doko so·sojengjeng ong·atna gita niam gri napsrukbagipa mitam Tribal-rangsa baditaba bilsirangna skangan chanchisoaha ine Manipur a·dokni chief minister, ‘Times of India’ baksa agangrikengmiting somoio aganahachim indiba uni iandake agangipa kattarangara kakket ong·jachim maina ia so·sojengjeng ong·anio Kuki-Zo tribal-rangsa bang·bate manderang sina nangaha, saknaanirangkoba man·batna nangaha aro nokgri jamgri ong·na nangtokahachim.
Ia so·sojengjeng ong·aniko tribal-rangsa baditaba bilsirangna skangan chanchisoaha ong·ode maini a·sel ia so·sojengjeng ong·anio Tribal-rangni biaprango songdongchakenggipa Meitei-rangde sigiparang dongjaha ine sing·doatengon, Manipur a·doko songdongenggipa Kuki-Zo aro Meitei-rangni gisepo be·en aro gisikni gita ma·ekgrikaniko ra·chakchina ma·mong sorkariko didiataha aro ia so·sojengjeng ong·anina Tribal-rangkosa dos galengani gimin Manipur sorkariko jegalataha.
Iakoba poraie nina man·gen: Israel aro Hamas bobil dolni gisepo dinggrikani sal 17 gapa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
