Tripura, June 28: A•songsa a•songgipin baksa meligrikaniko bilakbatatna miksonge ja•ku de•anio, Tripura-ni Chief Minister Manik Saha, Bangladesh-ni PM-na 2024 bilsini June 24 tariko kg 500 queen pineapple ba anarosrangko watataha. Indake ia ja•ku de•aniko kusi ong•e ra•chakaniko mesokani gita, sal 4 jamano Bangladesh-ni Prime Minister Sheikh Hasina-ba, “Haribhanga” ingipa Bangladesh-ni Salgro Saliram jolo man•gipa te•gatchurangko kg 400 mangni gita on•atan baksana, Hilsa fish ba hilsa na•tokrangko kg 50 aro kg 50 roshogollas ba mistirangko bristibar salo Tripura-ona watatskaaha.
Ia on•grikaniko, Agartala-Akhaura integrated check post-o dakangaha jeon ia on•atenggipa bosturangko ra•chakenba Tripura-ni CM-ni office-na pakwatatna gita Bangladesh-ni Assistant High Commission ra•chaksoaha.
India aro Bangladesh-ni gisepgriko bolam biterangko on•grikani dakrongba•enggipa bewalko, te•gatchurang, anarosrang aro hilla na•tokrangko on•grikanirangko man•chape skangnin name rakkiba•enga. Ia bodolgrikaniko dakaniara, a•song ge•gnini gisepgriko a•songsa a•songgipinko mande ra•grikani aro nangrimgrikani bilakaniko mesoka. Tripura a•dokni queen pineapple ba anarosrangko cha•toanina aro be•enna bang•a namgnirangko on•anina u•iengon, Bangladesh-ni Haribhanga te•gatchukoba bitchi bang•a baksana chi•anina u•iskaachim. Bangladesh-ni te•gatchurangko bang•a a•songrang chongmotan Bhutan, Nepal, Sri Lanka baksana Middle east jolrango donggipa a•songrangonaba watenga.
Da•o India aro Bangladesh-ni gisepgriko bolam biterangko bodolgrikaniara nangan salo dakchakgrikani, meligrikani aro a•dok chigaska baksa ku•mong meligrike kamrangko ka•anirangko mesoka. Ia indakgipa namgipa ja•ku de•anirang pangnan manderangni mikkango niksenggipa katta bichong ong•china aro sima ari-ni paktangtango dong•gipa a•song damgnini manderangni ka•tongrango ka•saaniko ra•baatan baksana batrorobaenggipa nangrimgrikani aro a•song damgnini gisepgriko ku•cholsan ong•e kam ka•anirangko mongsonggipa ong•e ra•angchina.
Na·simang ia video-koba nina man·gen:
Na·simang iakoba poraina man·gen: India-o pekatgipa ringani aro bi•sarangko badingsrukaniko champenganio NGH-ba “best performing districts” ine bimungko man•paa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
