Agartala, Mar 5: Tripura a·dokni 6-Agartala Assembly Constituency-ni ning·o donggipa Indranagar jolo, BJP-ni office-ko CPIM aro Congress dolni manderang nosto ka·e galangani ja·man adita so·sojengjeng ong·aniko nikna man·aha.
Koborko on·ani gitade, BJP-ni office-ko nosto ka·angani ja·man, dos dakgipa manderangko rim·china dabie BJP-na kam ka·enggipa aro jolo songdongenggipa manderang, ramarangko champenge jingjengatangskaaha.
Ia a·selni bidingo, 6-Agartala Assembly constituency-o Congress MLA Sudip Roy Barman-ni jako amako man·rikgipa BJP-ni candidate Papia Datta, agan-talate on·angengon, Tripura a·doko BJP, sorkariko riktaina siengani giminsa CPIM aro Congress dolni manderang, BJP-ni kosako chadrapenga aro BJP-ni office-ko boma godape nosto ka·angaha ine parakataha.
BJP-ni office-ko boma godape chadrapanio chongipa dokkan damsaba nosto ka·ako man·aha ineba Datta aganaha.
BJP-ni office-ko boma godape chadrapanio jak donggipa manderangko rim·china dabie BJP-na kam ka·enggipa aro jolo songdongenggipa manderang, ramarangko champengata bakan police-rang, so·sojengjeng ong·anirangko champengna gita ua biapona sokbaaha.
