Agartala, Feb 14: Central Bureau of Investigation (CBI)-ara, ong•gija dakgipa kamrangko sandigipa agency ba bimang ong•a indiba ia chang Tripura a•doko, Agartala songjinmao donggipa CBI camp office-onikon do•ga, kelkimangmangkoba donpilgija office-ni bostu bon•pilekon cha•uangaha.
Koborko on•ani gitade, ia office-ko jabonga batpile chipe donahachim aro uandaken CBI official-rang, re•anggipa February 11 tariko, Agartala songjinmani Shyamali Bazar quarter complex-o donggipa camp office-ona re•angpilosa office-ni bangbang ong•aniko nikeaha.
Ia a•selni bidingo CBI-ni Inspector Anurag, police-rangna badi ka•doangani ja•man, Sub-Inspector Jainal Hussain-ni dilanichi cha•ugiparangko sandina a•bachengataha aro manderango sing•sandienba mande sakgni, chong•motan Biplab Debbarma aro Raju Bhowmik-ko rim•aha. Ia mande sakgniko rim•ani ja•man police-rang, gipin mande sakbrikoba chanchichipe, Shyamali Bazar aro Khejur Bazar jolrangoniko rim•aha.
Ia CBI camp office-oniko cha•uanggipa steel almirah ge 8, bolni do•ga ge 7, kelki ge 4, geyser ge•sa aro chokki ge 4-koba police-rang man•pilaha.
Na·simang ia video-koba nina man·gen:
Na·simang iakoba poraina man·gen: GNLA bobil dolko bikottaiani chinrang dongja ine W’nagar MLA a•kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
