Agartala, April 27: Tripura-o walni curfew aro COVID-19-ni giproroaniko champengna dongimin niamrangko manigija biaona re•anggipa sak 19 me•chikrangko man•chape gimik sak 31 manderangko rim•aha ine Mongolbar salo police official-rang u•iataha.
Tripura a•dokni Chief Secretary Manoj Kumar-ni u•iatani gitade, COVID-19-ni giproroaniko champengna gita Agartala Municipal Corporation jolrango, re•anggipa Bristibar salonin wal 10:00 bajioni pring 5:00 bajiona walni curfew-ko ra•gatahachim indiba Sombar walo, ia niamko manigija bang•bea manderang bia ka•gipao bakko ra•paahani gimin police-rang, sak 19 me•chikrangko man•chape gimik sak 31 manderangko rim•aha.
Official-rangni u•iatani gitade, Sombar walo me•chik aro bi•sarangko man•chape bang•bea manderang bia ka•gipao bakko ra•tokenga ine koborko man•soa bakan West Tripura-ni District Magistrate aro Collector Shailesh Kumar Yadav, police-rang baksa bia ka•chakgipa biap damgniona re•ange sak 31 manderangko rim•aha indiba ja•mano ia manderangko West Agartala police station-oniko watpilataha.
