Agartala, Oct 6: Tripura a•doko raja ranirangni bilsi 500-na ja•rikbaenggipa dakbewalo pangchake, Durga mitena ‘rashtriya salaami’ ba a•songni salamko on•enba, Hindurangni manianggipa Durga Pujako matchotataha.

1949 bilsio Royal Tripura aro Indian Union-ni songgigrikanio pangchake Agartala songjinmao donggipa Royal Temple ba mite nokko a•dok sorkarian jako ra•na gita nanga aro olakkianiko District Magistrate-sa dakdilronga.

Miterangko rajarangni dongchakgipa nokni ‘Raj Andar’-ona ra•napangani ja•man Durga miteko Raja salam ka•enba, miteko galna gita ra•angronga.

Tripura a•doko bilsi 500-na skang raja ranirangni ia maniani bewalko a•bachengataniara da•aloba salgro salaram a•doko Durga Pujako maniani namen dingtanggipa ong•engkua.