Agartala, Mar 31: Robibar salo, Tripura a·dokni Sabroom sub-division-ni ning·o donggipa Kalachhara jolo, mande saksako silgittangchi doke so·otani ja·man gisikni gita tik ong·gijagipa chadambe saksako jolni manderang jinma chadrape so·otskaaha.
Koborko on·ani gitade, ia a·sel ong·ani somoio gisikni gita tik ong·gijagipa chadambe Ashique Debnath-ni ma·gipa dakchakchina gita aganeahani giminsa Debopriya Bhattacharya minggipa mande saksa, uko beng·na uni nokona re·angahachim indiba uni nokona sokangon ia chadambe, Bhattacharya-ko silgittangchi dokgakaha aro ua, ua biapon ga·ake siaha.
Bhattacharya-ko dokgake so·otani ja·man jolni manderang una kenenba uni sepangona re·angna pa·tokjaha aro ja·mano ua biapona police-rangko okamataha.
Police-rang sokbaani ja·manba Ashique Debnath, police-rangko itarangchi gosoaha indiba ja·mano jolni manderang ka·a ding·chaoenba, police-rangni mikkangon uko rim·e, jinma dokgrime so·otaha.
Ia biapo iandake mande sakgniko so·otani ja·man adita so·sojengjeng ong·anirangko nikna man·aha.
Police-rangni u·iatani gitade, gisikni gita tik ong·gijagipa Debnath, sakgipin mandekoba belchachi dokaha aro ukoba manderang siaha ine chanchichipenga.
Ia a·selni bidingo kobor man·soa bakan police station-ni officer-in-charge, dolsa sipairang baksa ua biapona re·baaha indiba uamang sokbana skangan ia chadambe, ua biaponi katsoaha. Ja·mano police-rang, jolni manderang baksa uko sandiangaha indiba uko sandie man·on, ia chadambe, mande jinmachi dokgrimako man·e sisoskaaha.
Ia a·selni bidingo police-rang, minggni dake mokordomako segataha aro ia a·selni bidingo ning·tue am·sandina a·bachengataha.
Na·simang ia video-koba nina man·gen:
Na·simang iakoba poraina man·gen: Advanced Image-Guided Biopsy Techniques-ni bidingo NEIGRIHMS-o workshop-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
