Agartala, Jan 22: Bang·gija salrangni ja·manon pu·onnasienggipa Tripura a·doko, mija anti bon·achibara Sonibar salo a·dokni warachakgipa dolrang February jani 16 tariko mongsonggipa eleksin ong·na mikkang-mikkang a·doko maming golmalrang aro so·so-jengjengrang ong·ani gri jakgitele aro tom·tome eleksinrangko ong·atna man·na gita chu·gimik obostarangko nirokatchina Election Commission-ko mol·molangenba a·dokni skotong Agartala-o jinma nangrime re·jomaniko ong·atangaha.
Left party-rang aro Congress dolni ong·atgipa re·jomaniko, gimik chang-brina kingking Tripura-ni skotong minister ong·anggipa Pa Manik Sarkar baksana mija 18 tariko Congress aro BJP dolgnini gisepo kajia nanggrikao saknaa man·gipa Congress doloni saka ma·mongni dilgipa Dr. Ajay Kumar-maang dakdilangtokaha.
Tripura assembly-o da·o warachakgipa dolni dilgipaba ong·enggipa Pa Manik Sarkar-ni a·kangatani gita, BJP aro IPFT bakrime rikenggipa sorkarini chu·gimik ja 59-rangna a·dokni bil-sasonko jako ra·miting somoio komibeoba sak 25 CPI-M -na kamko ka·giparango so·ota man·tokaha.
Indake ong·engon, mija February 18 tariko Tripura-ni skotongo Congress dolni motorcycle-o re·jomaniko ong·atmitingo chadrapani salsa ja·man, obosta ong·mitingo nanga gita ja·kurangko de·atjahani gimin, Election Commission mija Sukrobar salo a·jani sub-divisional police officer (SDPO) saksako kam dondipata baksana sakgni officers in-charge (OCs)-rangkoba kamoniko ra·galataha.
