Agartala, May 26: Sukrobar salo, Railway police-rang, me·chik saksako man·chape silchidare badinggipa mande sakgniko, Agartala Railway Station-oniko rim·na man·aha.
Ia mande sakgnioniko police-rang, US a·songo tarigipa 9mm pistol aro magazine-rangkoba man·aha.
Rim·ako man·gipa mande sakgniara Khowai a·jaoni Karan Debbarma aro Priya Debbarma minggipa manderang ong·achim ine ma·sina man·aha.
Agartala railway station-o donggipa GRP station-ni officer-in-charge Tapas Das-ni kobor ra·timgiparangna parakatani gitade, Jana Shatabdi Express-o Agartala-chipakna songreangenggipa mande sakgni silchidare ra·bitakon ine chanchichipe kobor on·atako man·soani ja·man GRP-o kam ka·enggipa manderang aro intelligence official-rang, ia mande sakgniko rim·na railway station-ni pilak exit point-rangon mikrake dongsotokaha aro uandaken platform number 3-ona rel gari sokbaahaon police-rang, rel rama kosako tarigipa dolong gita me·asa saksa aro me·chik saksani re·angengako nikrikeming uamangko rim·aha.
Ia manderangoniko me·chik police officer saksani dakchakanichi am·sandion, pistol ge·sa aro magazine ge·gniko man·aha ineba Das parakataha.
Ia mande sakgniko rim·ani ja·man police-rang, silchidare badinganio jak donggipa gipin manderangkoba rim·na gita ia mande sakgnio sing·sandiengkua ineba police officer aganaha.
Na·simang ia video-koba nina man·gen:
Na·simang iakoba poraina man·gen: Meghalaya a•doko jimbegipa mikka baksa balminduri ong•gniko IMD mikrakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
