Agartala, Jan 7: Re•anggipa August jao chadrapako man•gipa Trinamool Congress (TMC)-ni dilgipa Mujibur Islam Majumdar, Budbar salo, Kolkata-ni SSKM hospital-o siangahani gimin Majumdar-ko chadrapgipa manderangni kosako IPC 302-ko ra•gate so•otgiparang ine raiko on•china gita BJP-ni kosako chakatenggipa MLA aro gitcham Minister Sudip Roy Barman, Sukrobar salo dabiangaha.

Majumdar-ko so•otani gitasa ong•ahani gimin uko chadrapgipa manderangni kosako Indian Penal Code (IPC)-ni Section 302-ko ra•gatna nanga ine Badarghat-o Majumdar-ni nokdangko grongeani ja•man Barman aganaha.

BJP-ni kosako chakatenggipa MLA Barman-ni parakatani gitade, chadrapako man•ani ja•man Majumdar, uni jak aro ja•arangoba bilongbee saknaanirangko man•ahachim.