Agartala, Sept 29: East Agartala Police aro College Tilla police outpost apsan bakrimenba a•doko pekatgipa samrangko palbadinganiko bon•atna am•sandianiko dakanio tangka gong lakh 75-ni ganjarangko rim•aha.
Uamang ka•dongna man•gipa kobor on•timgiparangoniko pekatgipa samrangko sriksrik ra•baenganiko kobor man•soenba, ta•rake dariangenba, chakka rong 12 donggipa truck bolsako dondikatenba am•sandianiko dakataha. Truck-ko niariode bangbang gita nikgenchim ong•oba ia truck-ni ning•o niamgri palbadingani kamrangko ka•anio jakkalna gita nokdring ge•sa tarigipa dongachim jekon kulie nion, ran•atgimin ganjarangko chipgimin ge 45 packet-rangko rim•na gita man•aha jeni jreanin kg 355 ong•achim aro uni dam-ara tangka gong lakh 75 mangni gita ong•genchim, inenba police official u•iatangaha.
Ia am•sandianiko dakanio, bilsi 33 ong•gipa truck salgipa Mithun Karmakar-ko police dolrang rim•aha aro uko sing•aniko dakon, ua ia ganjarangko Meghalaya a•dokona salangengachim ine ku•chakaha.
Na·simang ia video-koba nina man·gen:
Na·simang iakoba poraina man·gen: Jagadguru-ni sildorengko Shillong airport-o bilonchakna on•gijanina Supreme Court-o badi ka•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
