Guwahati, Sep 4: Da·al, chong·motan September 4 tariko Union Home Minister aro Minister of Cooperation Amit Shah-ni mikkango India sorkari aro Tripura a·dok sorkari baksa National Liberation Front of Tripura (NLFT) aro All Tripura Tiger Force (ATTF) New Delhi songjinmao Memorandum of Settlement-ko soi ka·grikaha.
Ia tom·ani bako Amit Shah aganengon, pilak songgigrikanirangko chu·sokatna Ma·mong Sorkari chu·gimik jotton ka·aniko on·e re·mikkangenga ine aganaha. Uano Tripurani Chief Minister Manik Saha aro a·dokni Ministry of Home Affairs-ni mongsonggipa dilgiparangba dongpaaha.
Ma·mong Sorkario ka·dongchakna man·ani gimin, NLFT aro ATTF dolrang a·doko bilsi 35 so·sojengjeng ong·aniko dontonge a·dokni namroro-silroroanina kang·kare kana ku·rachake ra·aha.
Da·alo songgigrikao pangchake NLFT aro ATTF-ni sipairang sak 328 baten silchidare ra·aniko watgale songsalni namgnina jak on·pagnok ine Amit Shah aganaha. Tripurao donggipa tribal manderangni namroro-silrorognina dingtangmancha miksonge Rs 250 Cr chamgipakoba Ma·mongo ra·chakaha ine ua agandapaha.
Armed Forces Special Powers Act (AFSPA)chi sason ka·aniko Modi sorkari 2015 bilsio Tripura aro salgro-salaram a·dokrangni bang·bata biaprangonikon ra·galaha; sipairangko watatani pal Modi sorkaride salgro-salaram a·doko donggipa manderangni daka-rikani, ku·sik aro jatni dakbewalrangko ripinge namroroatnasa kang·kare kabata ineba Amit Shah aganaha.
Na·simang ia video-koba nina man·gen:
Na·simang iakoba poraina man·gen: Botanical Survey of India microfungal survey ka·o balgitoko ra·sruka ine matnanga man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
