Agartala, June 10: TIPRA Motha Party-ni chatro chatrirangna warachakenggipa dol TIPRA Students Federation (TSF), Tripura Tribal Areas Autonomous District Council (TTAADC)-ni gita kamo rakkiani porikkako ong•atnasienggipa question paper-ni answer key-ko giproroatanina, CBI-ni gita am•sandianiko dakchina ine dabie, Tripura-ni Governor Indrasena Reddy Nallu-na memorandum-ko on•angaha.
Re•baenggipa Robibar salo, Sub Zonal Development Officers aro Deputy Principal Officers-ni post-rangna porikkako ong•atna tik ka•giminko, TTAADC-ni authority-rang gipin chango ong•atskana ra•doataha. Iako, Chief Executive Officer, CK Jamatia baksana Recruitment Board-ni Chairman, Datamohan Jamatia aro Additional CEO, Moslim Uddin nangrimenba, Agartala Press Club-o press conference-ko ong•atanio parakataha.
Ia answer key-ko giproroatanio jak donggipa manderangko, name am•sandianiko dakani jamano kraa aro raka sastirangko on•a nanga ine TSF dol, uamangni memorandum-o janapataha.
Koborko man•soani gita, ia answer key-ko WhatsApp gita giproroatengachim, jeni a•selan ia porikkako ra•dona nangao ga•akaha ine CEO press conference-ko ong•atani somoio aganaha.
Batanggimin salo, Agartala-o donggipa photocopy shop ba dokanni malikko, ia mokordomao jak dongpaanina a•dok police-rang rim•aha aro chanchichipenggipa sakgipin mandekoba sandianiko dakengkua.
Indake, ia porikkao, sak 26,000 candidate-rang, dam 71 biaprango ge 110 post-rangna porikkako seanggenchim. TTAADC-ni authority-rang ia porikkani gamchatani gimin talate on•anga, jekon, bilsi 12-ni jamanosa ong•atna man•engachim aro ia porikkako kraa aro nama bewalo ong•atnasa mangsongengachim.
Na·simang ia video-koba nina man·gen:
Na·simang iakoba poraina man·gen: J & K-o bus bolsako chadrapaanio sak 10 sia sak 33 manderang saknaako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
