Tura, April 13: Tura-ni Araimile parking lot-o skatang jabol galaniko nirok sandianirang dongjaengani a•sel manderangni nikanio namen nitogijaniko ong•atengaha.
Kobor on•timgiparangni u•iatani gitade, ia parking lot-o dokkan dakenggiparang aro gipin biaprangoniba manderang jabolrangko ra•bae galenga aro da•alona kingkingan ia biapo jabol galaniko district administration-ni gitaba nirok sandianirang dongkujaengani a•sel manderangni nikanio namen nitogijaniko ong•atengaha.
Ia sal somoirango, Tura jillao skatang jabol galaniko champengatenba, Tura Municipal Board (TMB)-ni gitasa dingtang dingtang biaprangona re•e jabolrangko chimongengachim aro TMB-ni garirang sokbaahaosa jabolrangko gariona ra•bae on•atchina gita dingtangmancha ge•etanikoba on•manahachim.
Indake ong•genchimoba, Araimile parking lot-o skatang jabolrangko galengani gimin ta•raken iako nirokatchina aro ia biaprango galgipa jabolrangko rongtalatchina gita jolo songdongenggipa manderangba district administration aro Tura Municipal Board-ko didiataha.
Iakoba poraie nina man·gen: West Jaintia Hills-o Assam sorkarini niam gri rama tarianiko dontongata
