Tura, Oct 16: Mongolbar walo, Tura Bazar-ni Super Market sambao donggipa biaprangko wa•al kamanichi ia biapo donggipa dam 13 dokkanrang nisigalako man•tokaha aro lakni lak tangkarang noksan ong•na nangaha.
Tura Fire & Emergency Service (F&ES)-ni Superintendent of Police (SP) Bruno A Sangma-ni kobor ra•timgiparangna parakatani gitade, wa•al kamchapako man•gipa pilak dokkanrangan ramram rikgipa dokkanrangsa ong•achim aro dokkanrang bang•batan wa•al kamaniko chel•chakna niamrangko ja•rikjahachim.
Short circuit ong•ani a•selsa ia dokkanrangko wa•al kamahakon ine police-rang chanchichipenga.
SP-ni aganani gitade, Super Market aro district council market building baksa nangchape rikgipa dokkanrangoni damsao wa•al kamchengaha aro uandaken ja•mano gipin dokkanrangkoba wa•al kamroroange dam 13 dokkanrangko chu•gimik kamaha.
Ia dokkanrangko wa•al kamanio, Super market-o donggipa mitam dokkanrangonaba wa•al sokangaha aro gnigipa gadango donggipa electric dokkanni lakni lak bosturangko wa•al kamchapaha.
Wa•al kamchapako man•gipa dokkanrangoni mitamranga, Sinha Clothes store, Super Market-o donggipa N Modokni electric dokkan, Prodip Saha-ni cha dokkan, Santosh Saha-ni bite palram, Amit Dey medicine store, Nirupom Roy shoe store, Nantu & Mintu Sarkar Bag store, Arjun Prasad shoe store aro gipinrang ong•a.
Na·simang ia video-koba nina man·gen:
Na·simang iakoba poraina man·gen: OC Blue Shillong Premier League 2024-ko knaloni a•bachengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
