Tura, July 30: Sombar pringni, u•ina man•gijagipa manderang aro Assam-ni gariko salgipa driver baksa nanggrika jaman, uni Renault Car-ko nosto ka•angaha.
Ia ong•a obosta, Khasi Hills-ni tourist biaprang jekai Dawki aro Sohra-o ong•enggipa obosta baksa apsanjagenchim ong•oba, police dolrang kakket bichalko on•a gita name dake sing•sandie nianirangko dakenga.
Kabul Bazar-ni be•en palgipa biapo ia ong•a obostani jaman ua Tura Police station-ona re•angahachim, indiba ua niam rakkigiparangoniko maming dakchakaniko man•jahani a•sel Assam-ona re•angpilna draatako man•aha inenba ua jolo donggipa media-ni manderangna u•iataha.
West Garo Hills-ni SP Abraham T Sangma, skanggipa sing•sandiani gitade ia ong•a obosta taxi ba para salgipa garirangna a•kanggimin biap-o gari donani a•sel ong•aha ine u•ina gita man•aha ine aganangaha. “Tura-ni contractor saksa Assam-ni gariko para ra•baahachim aro ua gari salgipa driver Kabul Bazar-ni sambao donggipa noko waltuahachim. Indake, pring seng•haon, adita manderang re•baenba gari donani bidingo nanggrikenba uni garini mikkangni glass ba windshield-ko nosto ka•e donangaha,” inenba SP agandapangkuaha.
Driver-ni Tura Police Station-ona re•angachim ingipa katta kakket ong•a ine SP Abraham T Sangma u•ina gita man•aha, jeon police station-ni officer incharge uko record rakkina gita jakchi see FIR-ko on•a aganaha.
“Officer incharge, first response action-ko dakna nangachim, indiba ua segimin FIR-kosa am•skaaha,” inenba SP parakataha.
Iani bidingo sing•sandiani bak gita, SP, driver-ni agangimin kattarangko aro gipin u•ina nangani bidingoba Assam-ni driver baksa golpoatmanaha, ineba ua agandapangkuaha.
Tura Police dolrang ta•raken ia case-ni bidingo chong•mot kattako u•ina ka•dongsoenga.
Na·simang ia video-koba nina man·gen:
Na·simang iakoba poraina man·gen: Umiam dolong gita garirang Mongolbar sal dipet re•na man•gnok
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
