Tura, Oct 02: Hindu-rangni bilsio changsa dal·batgipa maniani Durga Puja-ko ia bilsini October 2 tarik, chong·motan Robibar saloni a·bachenge manichakatengon, a·songni gipin bakrango gitan West Garo Hills a·jani skotong songjinmao, Tura-ni Central Puja Committee dingtang dingtang dakgipa programrangko ong·ate maniangaha jeon Meghalaya a·dokni skotong minister Pa Conrad K Sangma bakko ra·angaha.
Programo bakko ra·e jinmana aganprakangengon, a·doko neng·nikani somoirangko chagrongon jekai sajinmani giproroachi neng·nikaniko man·anirango a·jao songdongpagipa gipin jatrang dakchakanirangko on·ahanina dingtangmancha mittelpilangenba, ia Durga Puja-ko manianirango uamang sakantina an·tangni nama-sikanikoba on·angjolaha.
Unomiting, Tura songjinmani dingtang dingtang Puja Committee-rangna mande ra·pilskaaniko dakanga baksana, Dr. Biswajit Nandi-ni dintangmancha P A Sangma sagini gimin nambee poedo segipa ‘Anga Me Ami’ ingipa ki·tap kingsakoba skotong minister oprake on·angjolaha.
Today we felicitated all the Puja Committees of Tura and released the book ‘Anga Me Ami’ by Dr. Biswajit Nandi.
I encourage our various communities to continue working in the spirit of harmony and take our beloved Tura town to new heights of peace and prosperity pic.twitter.com/F2iYaKOoi6
— Conrad Sangma (@SangmaConrad) October 1, 2022
Indake, songjinmao donggipa dingtang dingtang gittim ba biapni manderangko mikkangchi Tura songjinmako tom·tomgipa aro silrorogipa biap ong·atna meli-nangrime kamko ka·angkuchina gitaba Pa Sangma dingtangmancha didianiko on·angaha.
