Tura, March 15: Sonibar salo, Tura Christian Hospital (TCH), World Kidney Day-ni salo manderangna kidney ba ka·rongte-ko an·seng baljoke rakkiani bidingo mikrakataniko on·a gita, District Administration, District Sports Office, Morning FC aro Tribal Nation Rider-rangni dakchakanichi mini marathon-ko ong·atangaha. Chandmari-oni a·bachenge Tura-ni mongsonggipa biaprangko nappake ong·atanggipa ia km 5 katsusaanio, chona dal·a gimikko man·gope sak 400 mangni gita manderang bak ra·angtokaha.
National People’s Youth Front (NPYF)-ni national secretary Dabo M Marak, ia mini marathon-ko a·bachengate on·angaha. Ia katsusaanio chegiparangna ming 4 category-o ong·atangaha aro iano chegiparangna tangka baksana certificate-rangkoba skang matchotgipa sak 3 manderangna on·angaha.
Dabo M Marak baksana, TCH-ni Superintendent Dr. Editha W. Momin, DM Nephrology Dr. Benjamin S Sangma, Morning FC-ni President Cassius Clay A Sangma, Tribal Nation Riders-ni President Jack Marak, tom·aniona re·baenba chegiparangna boksisrangko suale on·angaha.
Ka·mao chegiparangni bimungrangko sulsul mesokatenga –
Bilsi 13-na komigipa me·asa category-o
- Adoweanga R. Marak
- Chusrang Ch. Sangma
- Appay A. Sangma
Bilsi 13-na komigipa me·chik category-o
- Chena Ch. Marak
- Αlanchi D. Shira
- Pringname D. Sangma
Bilsi 13-na batgipa me·asa category-o
- Nirest R. Marak
- Wish R. Marak
- Bethnar A. Sangma
Bilsi 13-na batgipa me·chik category-o
- Raksilchi A. Marak
- Susana M. Sangma
- Ritimesa N. Marak.
Na·simang ia video-koba nina man·gen:
Na·simang iakoba poraina man·gen: Conrad K Sangmako NPPni padotna seoktaia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
