Tura, Mar 13: Ka•rongterangko an•seng baljoke rakkiani bidingo manderangna mikrakataniko on•na miksonganio, World Kidney Day-ko maniani bak gita Bristibar salo, Tura Christian Hospital-o kidney screening ba ka•rongterangko indin porikka ra•e nina aro agan-ku•pattianirangko ra•na cholrangko on•angaha.
Ia program-ko Tura Christian Hospital, Indian Society of Nephrology-ni dilanichi ong•atangaha aro ia program-o sak 189 manderang, bimingtangtangko segatenba, an•tangtangni ka•rongterangko porikka ra•e niangtokaha.
Ia free kidney screening camp-ko Tura Christian Hospital-ni Nephrologist Dr Benjamin S Sangma dilangaha aro manderangna be•enni gita indin porikka ra•e niani baksana ka•rongterangko simsakani bidingo agan-ku•pattianirangkoba on•angaha.
Ia World Kidney Day-ko bilsiantian March jani gnigipa Bristibar salo a•gilsak gimikon manironga aro ia salko, manderangni ka•rongterangna simsakaniko on•na gita manirongenga.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
