Tura, Apr 28: Bristibar salo, Tura Civil Hospital-na Kayakalp district award-ko National Health Mission-ni gita on•aha.
Hospital-rangna aro health centre-rangna ia award-ko Meghalaya sorkarini gita tangka paisarang baksa parakatmanahachim.
Ia district award-ko man•ahani gimin Tura Civil Hospital-na gong lak 50 tangkarangko boksis dake on•enga aro Eco Friendly Award-koba man•ahani gimin Tura Civil Hospital-na gong lak 30 tangkarangkoba dingtang on•enga.
Indake ong•engon, Rongram block-o Bakdil NGO-chi chalaienggipa Babadam Primary Health Centre (PHC)-ba a•doko nambate chalaienggipa PHC-rangoni damsa ine seokako man•aha. Ia Bakdil NGO-ko Father Sunny-ni dilanichi bikotenba, Garo Hills-o songdongenggipa manderangna an•seng baljokaniko on•anio bang•en kamrangko ka•engahachim.
