Tura, Aug 26: Tura Civil Hospital-ni Catheterization (Cath) Lab-o, Garo Hills a•jani dingtang dingtang bakrangoni dingtang dingtang ka•tongni sabisiko man•e sagiparangko, ja 3-ni gisepon ming 50 mang surgery ka•anio chu•sokgipa ong•aha.
Ia Lab-o cardiologist, Dr. Abraham Jacob Ruram, 2024 bilsini May 22 tariko, Selsella-ni bilsi 76 ong•gipa me•chikmani ka•tongko indin maming koros nanggijan surgery ka•chengaha aro chu•sokgipaba ong•aha.
Aro ua saloni intal ja 3-ni gisepon ming 50 surgery-rangko ka•anio chu•sokaha. Indake sanna bannaniko ra•anggiparangoni bilsi brebatgipara, 90%mangni gita stenosis donggipa bilsi 86 ong•gipa me•chikmaan ong•achim.
Baghmara, Williamnagar aro uandake Garo Hills a•jani gipin chel•bea biaprangoniba Tura Civil Hospital-ona re•bae sanna bannaniko ra•tokenga.
Ia Lab-ko 2024 bilsini March jao Tura-ni gitcham MP Agatha Sangma nokdonggae on•aha aro ua somoionin ia lab-o surgery ka•anio maming neng•nikagri aro janggirangko gimaata grian chu•sokgipa ong•baengaha.
Ia Cath Lab-ko chalaina skang, ka•tongni sabisiko man•enggipa manderang bang•batan gastritis sabisiko man•enga ine chanchie nangana batpile samrangko ringaha aro ian skie ra•gimin doctor-rangni chu•ongjani a•sel aro machine-rang jekai, ka•tongni sabisiko nianiko dakgipa machine ECG-rang chu•onga gita dongjani a•sel ong•a ine Dr. Ruram Hub News-na talate on•aha.
Rongtalgijagipa aro namgijagipa cha•ani ringanirangko ranta ka•ani jekai, tamakku jakkalani aro churangko ringani a•selrangba ka•tongni sabisirangko ong•atna ama.
Ia lab-ni mingsa namgniara ong•jok, ia pacemaker ba ka•tong rongchu su•aniko tiktak dakatna ka•bak ning•o tekani tarigimin bostuko gong lakh 3 ba 5 ka•e brena nanga, indake ong•genchimoba Tura Civil Hospital-o sanna bannaniko ra•enggiparangde smartcard-ni gita gong hajal 20,000 ba 40,000-ni gisepo brena man•skaa. A•dok sorkariba nangchongmotenggipa bosturangko komibegipa damo on•a jotton ka•enga ineba ua janapataha.
Unbaksana, ka•tongni sabisiko man•e saenggipa bi•sarangkoba, ia Cath Lab-o mikkang jaoni dipet sanna bannaniko dakgnok ine aganan baksa, ta•rake sanna bannaniko nangenggipa manderangna sanna bannaniko on•a man•a gita aro janggirangko man•a dipet jokatna gita ning•tugipa songrango heart screening programme-rangko mikkangchi ong•atangna miksongenga ineba ua aganaha.
Na·simang ia video-koba nina man·gen:
Na·simang iakoba poraina man·gen: Sal 3-na ong•atanggipa Meghalaya MUN-ni Int’l Conference-ko matchotata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
