Rongpetchi, Mar 21: Bristibar salo, Tura Parliamentary Constituency-ni National People’s Party (NPP) candidate Agatha K Sangma, North Garo Hills a•jani Rongpetchi songo tom•aniko ong•atangenba, Tura Lok Sabha constituency-ni ning•o donggipa manderangni nanganirangko chu•sokate on•na ku•rachakaniko on•angaha.
Tura constituency-ni ning•o chu•sokatgipa dingtang dingtang kamrang aro scheme-rangni gimin janapangengon, gipinrangni matnangenggipa kamrangko ua nipilna gita nangjawa indiba dingtang dingtang biaprango donggipa manderangni nanganirangkosa ua ma•sie ra•na nangnikenga ine Sangma aganaha.
“Angni da•alo ia biapona re•baani miksonganiara, na•simangni baksa agangrike, na•simangni nanganirangko ma•sie ra•anian ong•enga,” ine Agatha aganaha.
Songni nanganirangko chu•sokate on•na ku•rachakaniko on•angengon, ia jolo sub-centre-rangko kuliani, Kongkal-ona dakanggipa ramako namdapatani aro songo community hall-rangko rikanian songo donggipa manderangni nangnikanirang ong•engani gimin ia nanganirangko election-ni ja•man chu•sokate on•gen ine NPP-ni candidate aganaha.
Ia tom•anio, Assembly-ni Deputy Speaker TD Shira, Mendipathar-ni MLA Marthon J Sangma, Bajengdoba-ni MLA Pongseng R Marak aro gipinrangba dongpae bak ra•angaha.
Na·simang iakoba poraina man·gen: Khalistan-ni dilgipako Gurdwara-ni dilgiparang Assam jail-o grongea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
