Tura, Apr 14: Re·baenggipa April 19 tariko Lok Sabha election-ko ong·atengani gimin dilgipako seokanio bak ra·china jolni manderangko didina gita Sonibar salo, Systematic Voters Education & Electoral Participation (SVEEP)-ni bak gita voters awareness program-ko Tura-ni Fancy Valley gittimo ong·atangaha.
Ia program-ko ong·atanio West Garo Hills-ni District Social Welfare Officer Silje Sangma, gittimni manderangna aganprakengon, pu·onaniko 100 percent gapatna gita pu·onani salo pilak manderangkon an·tangtangni polling station-ona re·ange dilgipako seokanio bak ra·china didiangaha. Dilgipako seokanio bak ra·na nangani giminba ua agan-talate on·angaha.
Ia program-ko ong·atanio West Garo Hills a·jani ADC (Election) aro SVEEP/Awareness Cell-ni Nodal Officer Nipon Hajong-ba jinmana aganprakengon, pu·onani salo pilakkon bak ra·china didiangaha. Pu·onani salo, skanggipa changna pu·onenggipa aro budepa butchumarangna dingtangmancha bol ge·na cholrangko on·gen aro pu·onchenggiparangnaba dingtangmancha boksisrang donggen ineba ua aganaha.
Pu·onani salo, polling station ge·antion booth level officer aro aganwadi worker-rangko, pu·ongiparangna dakchakna gita dongen aro je manderangan re·na gita man·jachim, uandakgipa manderangna wheelchair-rangko dongen ineba Hajong parakataha.
Ia program-ko ong·atanio flash mob dance-koba nikangna gita man·aha aro program-o bak ra·giparangnaba dingtangmancha t-shirt-rangko suale on·angaha.
Na·simang ia video-koba nina man·gen:
Na·simang iakoba poraina man·gen: Israel-ko drone aro missile-rangchi Iran chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
