Tura, July 17 : Tura-ni Chandmary Football Turf-o ong•atanggipa, Tura Football League 2024-ni 2-gipa bak mongolbar salo name matchongangaha, jeon Dalu United, Doreng Sporting-ko 2-0 score-rangchi amataha.
Dalu United, Nolbirth R Marak-ni skanggipa neng•takani ong•na skang minute 15 ong•on goal 1 chipanichi Doreng Sporting-na batengachim. Bang•a cholrangko man•genchim ong•omangba Doreng Sporting neng•takani skanggipa bak bon•aonan goal 1-koba chipna man•jaha.
Neng•taka jaman, Dalu United robol ra•sekna on•jaenba, Doreng Sporting-rangna goal ra•na gita cholko on•jaha, indake ong•genchim ong•oba kal•susaaniko dakangon dolgnian goal 1-ba chipna gita man•skajaha.
Iani gisepon, Dalu United-ni Tangrak Ch Marak, minute 76 ong•on doltangna goal 1-ko chipe on•enba Dalu United-ni score-ko bariatna dakchakaha, iani gisepon Doreng Sporting bon•kamaonan goal chipna man•jaenba, Dalu United 2-0 score-rangko man•enba chegipa ong•angaha.
Kal•ani minute 67 aro 78 ong•o, Dalu United-ni Clibirth D Sangma aro Chengrak Ch Sangma, simsake kal•aniko dakchina gita yellow card on•ako man•aha. Indake Doreng Sporting doloni Taiaba Sangma-ba, minute 61 ong•o yellow card-ko man•skaaha. Indake ong•engon, minute 61 aro 72-o yellow card-ko changgni man•ahani gimin, Salman Sangma-na red card-ko mesokenba kal•chakgipa biaponiko watataha.
Dalu United-na chegipa ong•ani gimin Champion’s Trophy baksa tangka gong hajal 70,000-ko aro 2-gipa ong•gipa Doreng Sporting-na runner’s up Trophy baksa tangka gong hajal 50,000-ko on•angskaaha.
Ia kal•susaanio name dakgipa manderang sakpraknaba award-rangko suale on•angaha, ua manderangara :
Player of the Final – Dalu United-ni Nolbirth R Marak.
Best Goalkeeper – Dalu United-ni Nengkam S Sangma.
Best Defender – Dalu United-ni Wanchrang Ch Sangma.
Best Midfielder: Doreng Sporting-ni Tangbo Sangma.
Best Forward – Doreng Sporting-ni Nikku Ch Marak, aro
Top Scorer award- kal•a gimiko chang 13 goal-rangko chipgipa Nikku Ch Marak ong•achim.
Player of the final award-ko man•gipana Trophy baksa tangka gong 1,500-ko aro gipin award-rangko man•gipa sakprakna trophy baksa tangka 2000-ko on•angaha.
Na·simang ia video-koba nina man·gen:
Na·simang iakoba poraina man·gen: U Tirot Sing-ni noksao Parliamento donchina BJP dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
