Tura, Sep 27: Tura Government Boys Higher Secondary School-ni annual sports ba bilsini kal•susaaniko Mongolbar saloni a•bachenge salgittamna Tura-ni Chandmary kal•chakramo ong•atenga.
Ia kal•susaanio chatro chatrirangko dolbri dake, chong•motan red, yellow, blue aro green house dake sualenba bakko ra•atenga aro ia annual sports-o dingtang dingtang kal•susaanirang, jekai 100m HEATS, 400m HEATS, Sack Race, Cock Fight, Shot Put, 4×100m Relay, Long Jump, Three Legged Race, Spoon Race, Balloon Bursting, Arm Wrestling aro robol kal•susaanirangkoba ong•atenga.
Ia kal•susaanio chatro chatrirangna senior, junior aro sub-junior dake gadangrangko done ong•atenga.
Ia annual sports-ko ong•atani bidingo skigiparangoni saksa Nancy A Sangma, Hub News baksa agangrikengon, Chandmary kal•chakramko da•o robol kal•chakram dake tariahani gimin mitam kal•susaanirang, jekai javelin throw, discuss throw aro uandakgipa kal•susaanirangkode ong•atjaengaha ine parakataha.
Iakoba poraie nina man·gen: Kongthong songna ‘Best Tourism Village 2023’ award-ko on·a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
