Tura, May 24 : Tura-ni ICFAI University, Career Counselling baksana National Education Policy 2020-ni bidingo u•iataniko on•a gita awareness program-ko sukrobar salo, Ampatini Springfield H. S School-o ong•atangaha, jeon Ampati Degree College-o poraienggipa class 12 aro final year-o poraienggipa sak 156 chatro chatrirang bak ra•angtokaha.
Ia program-o bak ra•gipa sakantinan gamchatbegipa janggi tangani ramarangko me•soke on•an baksana poraini aro kamko baseani bidingo ramarangko me•soke on•angaha.
Department of Management-ni Assistant Professor Dr Brenda D Marak, bading chiwalanio dingtang dingtang janggi tangani cholrangni gimin aganenba, chonchongipa bading chiwalani kamrangko a•bachengatgiparangna sorkarini dingtang dingtang scheme-rangni giminba ua aganangaha.
IT Department-ni skotong aro Assistant Professor Sumit Dey, Management aro IT-ni ning•o dintang dingtang janggi tangani cholrangni gimin aganangan baksana, National Education Policy 2020-ni gimin ua tale u•iatanirangko on•angaha aro India sorkarini gitalgipa niamrangni gimin aro iarang maikai leka pora bidani a•bao maidakgipa namgnirangko ra•bagenchim, uni giminba talate on•angaha.
ICFAI University Meghalaya, Tura Campus-ni a•gipibatgipa Administrative Officer, Muktadul Hussain, ia university-ni ning•o dingtang dingtang course-rang ba rokomanti poraiani lekka kitaprangko jakkalani giminba aganangaha, jean poraienggipa chatro chatrirangna university-ni gita apalbegipa poraini dingtang dingtang cholrangkoba nikrikna gita cholba ong•pagen.
Na·simang ia video-koba nina man·gen:
Na·simang iakoba poraina man·gen: Human Development Leadership program-o CM bak ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
