Tura, Dec 20: Sombar salo, West Garo Hills a·jani police-rang, Tura-oni kilometre 15-mang chel·ao donggipa Du·magitok songoniko grenade boma rongsa baksana 7.22 silchidareni rong 6 gulirangko man·aha ine kobor on·aha.

Police-rangni kobor on·ani gitade, ia sal somoirango so·sojengjeng ong·atna jotton ka·gipa manderang, Garo Hills-ni badiaba badiaba biaprango bobil dake chakatgipa dolrangko bikote manderangko kenjagokatna jotton ka·enga ine koborko man·soenba, Du·magitok songona re·ange am·sandianirangko dakon, ia manderangni a·ao dape donanggipa grenade boma rongsako aro rongdok gulirangko man·aha.

Jolo songdongenggipa manderangni naljokanina ia grenade bomako police-rang, ua biapon kimite galna man·aha aro ia a·sel bidingo mokordomako segate, am·sandianirangko dakna a·bachengataha ine West Garo Hills a·jani police officer-rang u·iataha.

Photo: Tura-oni km 15-mang chel·ao donggipa Du·magitok songoniko man·gipa grenade boma aro gulirang.