Tura, April 29: Mongolbar salo, Meghalaya-ni Tura jillako Winter Capital dakatna dabianina chakpaaniko on·a sak ritchani ritcha manderang Rongara songona tom·batokaha. A·chik Conscious Holistically Integrated Krima (ACHIK) ingipa dolrangni ong·atgipa ia tom·bimonganio songni manderang baksana chadamberang, a·gipibatgipa manderang aro jatni dilgiparangba dongpae bak ra·angtokaha.
ACHIK dolni President, Macklawrence M. Sangma, ia dabianiara kakket bichalko on·ani, mande ra·ako mesokani aro A·chik manderangna apsangrik dal·roroaniko on·ani bidingo ong·a ine aganengon, Meghalaya-o donggipa pilak biaprangan mikkang niteagri apsangrik namgnirangko man·a nanga ineba aganangaha.
Ia tom·bimonganio manderang jinma apsan re·jomani, dabiani kattarangko minge chrikanirang, jolo songdonggiparang baksa apsan jinma tik ka·anirangko dakan baksana jatni bewalo dakmesokani ba chrokmesaanirangko nie an·saotokaha. Iana agreba, uamang ia dabiani bidingo gipinrangna u·iatna gita pamphlet ba segimin ki·tap chongiparangko sualangaha.
A·doko donggipa pilak jolrangan apsangrik namroro silroroaniko man·a gita apsangrik bilrangko sualchina ACHIK dolrang, sorkario dabiangaha.
Na·simang ia video-koba nina man·gen:
Na·simang iakoba poraina man·gen: NEHUSU-ni president-ko rim•anina jegale chatro chatrirang re•joma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
