Tura, Feb 23: Tura-ko Winter Capital songchina dabienba Sonibar salo A·chik State People’s Front (ASPF), dingtangmancha awareness program-ko North Garo Hills a·jani Chisim A·pal songo a·bachengataha aro ia program-o ASPF baksana Garoland State Movement Committee (GSMC)-ba bakrimaha.

Ia program-ko ong·atanio, North Garo Hills a·jao donggipa dingtang dingtang songni Nokma-Sanerang aro toromko dilgiparangba bak ra·angtokaha.

Ia program-ko ong·atani bidingo ASPF-ni secretary Bernita Marak, songni nokni manderangna agan-talate on·angengon, Tura-ko Winter Capital songna dabianiara gital dabiani ong·ja indiba Meghalaya a·dokko man·e on·dilanggipa pagitchamrangni songgigrikanian ong·achim ine parakatenba, ia songgigrikaniko da·onan chu·sokatchipkujaenga ine aganaha.

Tura-ko Winter Capital songchina dabienggipani bidingo ASPF, GSMC baksa baditaba chang a·dokni Chief Minister aro a·dok sorkarina sedoatahachim ine janapatengon, Tura-ko Winter Capital songgenchimode, Garo Hills-oba gipin biaprango gitan namroro silroroaniko nikna man·pagenchim ine Marak aganaha.

Ia awareness program-ko ong·ataniara sorkarini kosako chakataniko mesokani ong·ja ine talataniko on·angskaengon, Tura-ko Winter Capital songna gita Meghalaya a·dokni skanggipa Chief Minister Capt Williamson A Sangma aro gipin dilgiparangni gisepo songgrikani dongani giminsa iani bidingo Garo Hills-ni manderangna ma·siate on·na ia program-ko ong·atenga ine ASPF-ni secretary parakataha.

Na·simang ia video-koba nina man·gen:

Na·simang iakoba poraina man·gen: Phulbari-o gital rikgipa skulko Power Minister nokdonggae on·a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub