Tura, Nov 27: November jani 27 tariko, Tura-ni DC park-o Tura Me•gong International Literary Festival 2024-ko ong•atanio Assam, Tripura, Karbi Anglong baksana Meghalaya a•dok gimikoni aro sambao donggipa Bangladesh a•songniba re•bae bakko ra•angpaaha. Ia manianiara a•chikrangni bilake bebe ra•aniko mesokan baksana jatni ku•aganani aro jatni dakbewal rikbewalrangko ripinge rakkina kim•kim ong•anikoba mesoka.
Ia 2-gipa Me•gong International Literary Festival-ko, North Eastern Hill University (NEHU), Tura Campus-ni Garo department, A•chik Literature Society (ALS) aro Don Bosco College apsan nangrimenba ong•atangaha. A•chik-rangni ku•aganani, se•a jotani aro dakbewal rikbewalrangni bidingo ia salgnina ong•atenggipa manianiara, jatni dakbewal rikbewalrangko golpo aganachi, chasong gitchamni gimin aganrittingbaachi aro noksa salanirangchi u•i ma•sianiko mangrakbatatna miksonganio maniani ong•a.
Ia maniani salko a•bachengate on•anio, Education Minister, Rakkam A Sangma, chasong gitalni somoio a•chikrangni dakbewal rikbewalrangko ripingna nangchongmotani gimin aganangengon, dingtanggipa chanchibewalanirangchi sea jotaniko dake aro golporangko seanichi batanggimin chasong aro re•baenggipa chasongrangni gisepo nangrimaniko ra•baenba an•chingni dakbewal rikbewalrangko tange rakkiangkuna gita man•gen ineba ua agandapangkuaha. Iana chakpaani gita, MLA Subir Marak-ba jatni dakbewal rikbewal aro bebe ra•anirangko ripinganio Garo Folklore ba a•chik ma•gitcham pagitchamrangni aganritingbagipa golporangni gamchatani gimin aganangskaaha.
Ia manianio, Dr. Rhinkle M Marak-ni segimin ki•tap “Indo-Bangla Cultural Youth Camp Documentation” aro “Gisikni Ku•birong-bak II” ingipako, mongsonggipa sokgipa jinmana oprake on•jolangaha.
Lekka porani bidingo namen u•i man•sigiparang jekai Dr. Jacqueline R Marak aro Dr. Colnat B Marak, a•chik literature ba a•chik sea jotani bidingo ning•tue chanchirimaniko dakdilangaha, jeon dingtang dingtang jolni manderangni chanchibewalani aro aganpaanirangkoba knana gita man•aha. Ia maniani skanggipa salko, Da Suraka, gitcham aro gital chasongni gimin bringimin gitrangko ring•e matchotataha.
Ia salgnina ong•atenggipa maniani, namen mingsingako man•gipa ki•tap serakgipa jekai, Mrs. Icylian R Marak aro Dr. Crystal Cornelius D Marak, maang baksa agangrikaniko dakan baksana samtangtango donggipa ong•telaigiparangko ripinganio maikai ia sea jotaniara mikrakataniko on•a gita man•gen uni gimin agan-golpogrikanikoba dakanggen. Ia maniani bon•kamgipa salo, jatni Wangalani, a•chikrangni ganding chindingrangko gane mesokani aro jolo git ring•na namnikgiparangni git ring•anirangko ong•atanggen.
Na·simang ia video-koba nina man·gen:
Na·simang iakoba poraina man·gen: KSU, bilsi 2 ong•gipa bi•sa CHC-o biji su•ani ja•man sia ine matnanganiko talgrikna DMHO-ko gronga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
