Tura, Sep 13: West Garo Hills Tura-ni bilsi 4 ong·kuenggipa Bede Ianko D. Sangma, India Books of Records-o “IBR Achiever”-ko man·aha aro ian jatna songsalna mikkim rasongko ra·baaha.
Ia bilsi 4 ong·kuenggipa Bede Ianko, dam 195 a·songrangni flag-ko minute 2 second 42-ni gisepon mesoke agana man·gipa ong·a aro uan ia recognition-ko A·chik jatoni man·giparangoni chadambebatsranggipa ong·a ineba nikna man·a.
Bede-ni pagipa Rabuga M. Sangma aro ma·gipa Cherian Archie D. Sangma, uamangni depanteni bilsi 2 ong·kuengon ABCD gitrangko skie ra·manaha ine aganaha.
Uamang dingtang dingtang Continent, a·songrang aro a·gilsak gimikni maprangko talate tarigimin video-rangko mesoke on·aha aro altuae gisik ra·na man·a gita maprangko rong nongnaba skie on·aha ineba aganaha.
Bede, ta·raken skie ra·na man·gipa gisik matsramgipa ong·a aro gipin topic-ko skie ra·na gisiko nanggipaba ong·a. Jeko ua skia man·aha ukon uni ma·a paa baksa nipiltaianikoba dakrongachim. Uni ia changa sapaniko uni ma·a paarang chakpaaniko on·a kusi ong·giparang ong·a.
Indake Bede-ni namnikbatgipa cha·anini bidingo sing·on, ua agrepile cha·a ringaninade gisik nanggipa ong·ja indake ong·genchimoba uni be·enni aro taningni dal·roroanina nut-rangko cha·anio on·chapronga ine uni ma·a paa aganaha.
Ia gisik dambekuenggipa bi·sani chu·sokaniara uni nokdangni manderangnasan ong·aigija A·chik a·songnaba mikkim rasongko ra·baaha.
Na·simang iakoba nina man·gen:
Na·simang iakoba poraina man·gen: Dr. D. D. Lapang sagina Sombaro kalimaniko dakanggen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
