Tura, August 5: Sombar salo, Tura-ni chatro chatrirang ISRO-ni Chandrayaan Mission-ni jawilwat-ko 3D glass-o nina chol man•aha. Tura Babupara-o donggipa Nivedita Girls’ Upper Primary and Secondary School, chatro chatrirangna 3D show-ko mesokangaha, jeon sak 10 skigiparang baksana, Nivedita School-ni sak 80 chatro chatrirangko man•chape, Denovo School, Bengali Boys LP School, Bengali Girl LP School, Dobasipara LP School aro Sunbeam School-rangoni chu•gimik sak 55 chatro chatrirangba bak ra•angaha.
Ianona re•bagipa chatro chatrirang aro skigiparang 3D glass-ko ganenba, minggni 3D jawilwat-rangko School Hall-o niangaha.
Chatro chatrirangoni saksa Hub News baksa agangrikengon, ua 3D jawilwat-ni gimin knamanahaoba, changsaba nipana gita chol ong•kujachim. Indake ong•genchimoba ua da•alo 3D glass-ko ganne jawilwat-ko nipana chol man•ahanina kusi ong•aniko parakangaha.
Tura Sunbeam School-ni skigipa Pankaj Damai-ba, Hub News baksa agangrikengon, uamangni chatro chatrirang iano bak ra•e Chandrayaan-ni gimin 3D jawilwatko nina chol ong•ahanina kusi ong•aniko parakangan baksana chatro chatrirangna uamangni subject-rangko skie on•a gita gital chol dakeba jakkalna man•gnok ine aganaha.
Ia program-ko ong•atna gita school-oni pilak koros-rangko ka•ahani gimin pilak chatro chatrirangan maming koros nanggijaan ia program-o chu•gimik bak ra•angna gita chol man•aha, inenba Nivedita Senior Secondary School-ni Principal Pallavi Saha aganangaha.skonge dongenggipa chirangko champengsoanio chu•sokgipa ong•na man•jaenga ine nikna man•a.
Na·simang ia video-koba nina man·gen:
Na·simang iakoba poraina man·gen: Me•asarangni brigipa aro me•chikrangni gnigipa Mahari robol kal•susaaniko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
