Tura, Aug 30: Tura-o Social Welfare department-ni chalaienggipa Children Home (Boys & Girls), tangka paisarang dongjae neng•nikanirangko chagrongna nangenga.
Iani bidingo Hub News-na talate on•angengon, ia 2023 bilsini May jaonin Children Home-ko chalaina gita tangka paisarangko man•sojaenga aro ia Children Home-ko nirokenggipa superintendent-rangsa an•tangtangni tangka paisarangchi aro basakobarangde on•gilatenggipa tangka paisarangchisa da•o chalaina nangtokenga ine Children Home (Boys)-ni superintendent parakataha.
Official-rangni u•iatani gitade, ia Children Home-rangko chalaina gita Ministry of Women & Child Development (MWCD) 90 percent-ko aro a•dok sorkari 10 percent tangka paisarangko on•e dakchakengachim indiba batanggimin May jaonin tangka paisarangko man•sojaengani a•sel ia Children Home-rangko chalaianio bang•en neng•nikanirangko chagrongna nangengahachim.
Tangka paisarang dongjae ia Children Home-rangko chalaianio aro kam ka•giparangna dormaharangko on•anio neng•nikanirangko chagrongna nangenga ineba official-rang parakataha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
