Tura, Feb 25: Monggolbar salo, Vocational Training Centre Don Bosco College, Tura-ni Bakery aro Confectionery Department-ni chatro chatrirang, Annual Food Fest-ko uamangni college ning•o ong•atangaha.
Ia tom•anio, Bhutan a•songoni sakgniko chanchape sak 121 chatro chatrirang-ko dol 12 dake bakenba Bhutanese cha•anirang aro uamangni tarigimin jatni aro bakery-ni cha•a ringanirangko mesokangan baksa pal•a sim•anikoba dakangaha. Indake Don Bosco College of Teachers Education-ni Teacher Trainee-rang baksana skigiparang aro bang•a chatro chatrirangba re•bae cha•anirangko bree cha•angtokaha.
DBC-ni Asst. Professor, Dr. Aksana Ch. Marak, Hub News baksa agangrikengon, ia Food Fest-ko ong•ataniara Bakery aro Confectionery department-ni chatro chatrirangna uamangni song•na channa sapaniko mesokasan ong•aigija uamangni cha•anirangko pale sim•e cha•na sapaniko u•ie ra•china aro uasan ong•aigija uamangni dal•batgipa chatro chatrirang baksa nangrimgrikaniko bariatna miksonganio ong•atani ong•a ine aganaha.
Ia Food Fest-o A•chikrangni cha•rongbewal cha•anirang jekai, Kappa, We•tepa aro Na•kam Bitchi baksanaba bakery-ni cha•anirang jekai, cupcake aro pastry-rangkoba mesoke palangaha.
Ia Food Festival-ko ong•atani chu•sokaniara chatro chatrirangni changa sapaniko aro gisiko nanganiko mesokasan ong•aijaha indiba chatro chatrirangni nambate skie ra•anina jaktangchi dake rike nianirangko college-o ja•rikenganikoba mesokani ong•a.
Na·simang ia video-koba nina man·gen:
Na·simang iakoba poraina man·gen: KHADC election-o sak 19 susagipa MDC-rangoni sak 4-san chepiltaia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
